1. Місько, П.А. Прыгоды Бульбобаў: аповесці: для сярэд. шк. узросту / Павел Місько; маст. У.Б.Максімаў. - Мінск: Маст. літ., 2009. - 167 с.: іл.
Цікавы, захапляльны сюжэт адразу заваюе ўвагу юнага чытача - аповед у "Прыгодах Бульбобаў" вядзецца ад імя...сабачанят. З мяккім гумарам аўтар расказвае, як маленькія істоты адкрываюць для сябе такое вялікае і складанае жыццё.
Аповесць "Як на нашы імяніны..." займальна распавядае пра ўзаемаадносіны дзяцей.
"Аповесць "Грот Афаліны" Паўла Місько - без перабольшання, з'ява ў беларускай літаратуры. Наўрад ці знойдзеш яшчэ адзін такі твор, у якім бы так арганічна спалучаліся фантастыка і прыгодніцкія элементы, надзвычайны дынамізм дзеяння і інтрыгуючая захапляльнасць. Да ўсяго гэта і глыбока псіхалагічная аповесць, бо аўтар настолькі дакладна перадае народжанае яго багатай творчай фантазіяй, што пачынаеш верыць у праўдзівасць таго, што адбываецца."
Алесь Марціновіч
2. Місько, П.А. Грот афаліны: аповесць: для сярэд. і ст. шк. узросту / Павел Місько. - Мінск: Маст. літ., 2010. - 415 с - (Школьная бібліятэка).
Дзесьці ў акіяне раскінуліся і атолы архіпелага, празванага Вясёлым. Ёсць там нават востраў Рай. Для багачоў, якія з'язджаюцца сюды з усіх куткоў свету і хочуць пазабавіцца, архіпелаг сапраўды здаецца вясёлым, а жыццё - райскім. Але не для карэнных жыхароў...
Падзеі адбываюцца на зямлі і пад зямлёй, на вадзе і пад вадой. Героі - не толькі людзі, але і дэльфіны.
Адзінаццацігадовы Янг, яго старэйшы брат Радж і іх сябры часта трапляюць у вельмі небяспечныя сітуацыі.
.bmp)
